Ang
silid ng pagpapalipas-oras,
silid na palipasan ng oras,
silid na pampalipas ng oras, o
kuwartong istambayan, (Ingles:
lounge,
lounge room) ay isang uri ng
silid-pamahingahan kung saan maaaring nagpapahinga o nagrerelaks na naghihintay o umiistambay ang mga tao habang lumilipas ang oras o nagpapaglipas ng oras. Maaari itong maglaman ng mga upuan na kung minsan ay maaaring "paghilataan" ng mga taong naghihintay. Sa isang
tahanan, maaaring ito na rin ang isang silid na salas kung saan maaaring makapagbasa ng mga aklat at iba pang mga babasahin ang mga nakaokupa, manood ng telebisyon, at iba pang mga gawain. Sa pormal na mga gusali o mga lugar na katulad ng
hotel,
paliparan, at
sinehan, ito ang pook na paupuan ng mga panauhin o ng mga kliyente habang naghihintay sa mga kausap o mga taong haharapin at kakapanayamin. Sa isang hotel, katulad ito ng isang
bulwagang hintayan o
bulwagang tanggapan, subalit maaaring maging isang lugar, silid, o bahagi ng palapag ng gusali na karaniwang pinagsisilbihan din ng sari-saring mga inumin.