luxury

Ang produktong panluho, produktong pangkarangyaan, kalakal na pangkarayaan, o kalakal na pangluho (Ingles: luxury product, luxury goods) ay mga produkto at mga serbisyong hindi itinuturing na talagang kinakailangan o mahalaga at may kaugnayan sa kasaganaan. Ang diwa ng karangyaan ay umiiral sa sari-saring mga anyo magmula sa pagsisimula ng kabihasnan. Ang gampanin nito ay magkasinghalaga sa kapanahunan ng sinaunang mga imperyo ng kanluran at ng silangan at sa mga lipunan ng makabagong panahon. Dahil sa mapagmamasdang malinaw na pagkakaiba sa pagitan ng mga uring panlipunan sa sinaunang mga sibilisasyon, ang pagkonsumo o paggamit ng karangyaan ay nakahangga lamang sa mga uri ng mga taong nakaaangat ang katayuan o ang mga taong maituturing na "napili".