Ang magnetismo ay isang pwersa ng atraksyon (o pagtataboy) ng mga bagay sa isa't isa na dahil sa paggalaw ng kani-kaniyang mga kargang elektriko.Madaming alamat sa kung papaano nakilala ang magnetismo ngunit pinakasikat na marahil ay ang kwento ng pastol na si Magnes. Ayon sa alamat, hinukay ng pastol na si Magnes ang lupa kung saan nadikit ang mga pako sa kanyang sapatos. Sa kanyang paghuhukay ay nakakita siya ng mga loadstones na kalaunan ay tinawag na magnetite. Gayunpaman, ang mga sinaunang kasulatan ng mga Tsino ay nagpakita ng ebidensya ng kanilang kaalaman tungkol sa mga magnet o bato-balani.Ang mga dokumentong ito ay mag-uurong sa pinagmulan ng kaalamn sa bato-balani patungo sa 4000 B.C.