pabrika

Ang pabrika o pagawaan (Ingles: factory, manufactory, manufacturing plant) ay isang pook na pang-industriya, na karaniwang binubuo ng mga gusali at mga makinarya, o mas karaniwang isang kompleks o kasalimuotan na binubuo ng ilang mga gusali, kung saan ang mga manggagawa ay nagmamanupaktura ng mga kalakal o nagpapaandar ng mga makina na nagpuproseso ng isang produkto upang maging iba pang produkto o mga bagay na maaaring ipagbili. Sa madaling salita, ang pabrika ay isang gusali na ginagamit ng mga kumpanya upang makagawa ng iba't ibang mga bagay. Sa karaniwan, ang mga bagay na nililikha ng maramihan sa loob ng mga pabrika. Nangangahulugan ito na ang mga bagay na magkakapareho ay maaaring buuin sa loob ng maiksing panahon.