panganay

Ang panganay o panganay sa magkakapatid (Ingles: first-born, eldest) ay ang katawagan para sa pinakamatandang kapatid, lalaki man o babae. Sa paggamit ng salitang ito sa Bagong Tipan ng Bibliya, na batay sa katagang Griyego, hindi ito nagpapahiwatig na mayroon o nagkaroon ng mga kapatid si Hesus, bagkus ay ikinabit kay Hesus ang pangalan o pamagat na ito bilang isang "marangal na taguri" na may kaugnayan sa Batas ni Moises. Bilang karagdagan, noong sinaunang panahon ay tinatawag ding "panganay" ang unang anak ng isang inang namatay dahil sa panganganak.