Ang
pangkalikol (Ingles:
probe) ay isang kagamitan o kasangkapang ginagamit sa anumang uri ng pagsusuri, panggalugad, pagsisiyasat, pananaliksik, pagsasalakab, o imbestigasyon. Isang halimbawa nito ang isang maliit na patpat, o anumang katulad, na ipinapasok at iniikot sa loob ng isang butas. Sa larangan ng panggagamot, isa itong balingkinitan o matalaghay na baretang yari sa pleksible o naibabaluktot ngunit hindi nababaling metal, na ginagamit upang suriin ang kapaligirang nasa loob ng likas o
patolohikal na mga sugat, uka, hukay, o butas, at lagusan sa katawan. Isang mapanganib na instrumento ang pangkalikol na ginagamit sa larangan ng medisina, kaya't nararapat na gamitin lamang ito ng mga dalubhasa sa paggamit nito. Nagmula ang salitang
pangkalikol mula sa salitang-ugat na
kalikol, na katumbas ng mga salitang
katikot at
kalikot.