paroxysm

Ang paroksismo (mula sa Ingles na paroxysm) ay ang sintomas na may katangiang klamante (apurado, malakas, o pilit) na biglaan ang paglitaw o isang sumpong. Tinatawag din itong ihit, sasal, bidbid, silakbot, sikla, at paglala ng sakit. Kabilang sa mga sintomas na nagiging paroksismal o umiihit ang hapdi, ubo, at kombulsyon (natatawag ding paroksismo ang kombulsyon). Ginagamit din ang salita para sa madalas na pagtindi o pagsidhi (intesipikasyon) ng isang sintomas. Gayundin, ginagamit din ang salita para sa mga panahon o peryodo ng pagkakaroon ng lagnat sa malarya at iba pang panakanaka (paudlut-udlot o paulit-ulit) o intermitenteng mga lagnat.