peep

Sa sikolohiya, ang paninilip, mahalay na paninilip, o pamboboso (Ingles: voyeurism), ay ang pagkakaroon ng pagsasagawa o kahiligang seksuwal ng pagmamanman o paniniktik sa mga taong gumagawa ng mga gawaing pansarili o gawaing matalik, katulad ng pagtatanggal ng damit, gawaing seksuwal, o iba pang mga gawaing karaniwang itinuturing na likas na pribado. Sa popular na imahinasyon, ginagamit ang katawagang ito sa mas malawakang diwa upang tukuyin ang isang taong namihasang magmanman ng ibang mga taong hindi nalalamang pinagmamasdan sila, at walang kinakailangang pagkasangkot ng kagustuhang seksuwal. Tinatawag na maninilip o mamboboso ang isang taong nasisiyahan o lumiligaya dahil sa paninilip.