piksyon

Ang kathang-isip ay isang mapangathang anyo ng salaysay, isa sa mga apat na panimulang panretorikang paraan (rhetorical modes). Bagaman, hindi kinakailangang purong kinatha ang mga gawang kathang-isip at maaaring maglaman ng mga totoong tao, lugar, at pangyayari. Maaaring isulat o sinasalita o maaaring ipakita sa pelikula, teatro, radyo o telebisyon. Bagaman hindi ito kinakailangang masining, inuunawa ito ng karamihan bilang isang uri ng sining o libangan. Tinuturing na pundamental na aspeto ng kultura ng tao ang kakayahang lumikha ng kathang-isip at ibang mga masining na gawa. Ito ang isa sa mga katangian ng pagiging tao.