- Huwag ikalito sa sinsin.
Ang
singsing o
anilyo ay isang piraso ng alahas na karaniwang isinusuot sa
daliri, partikular na sa daliring palasingsingan. Kalimitang gawa ito sa
metal na katulad ng
ginto,
pilak,
platino, ngunit maaari ring yari sa iba pang mga bagay na tulad ng
buto o
salamin. Marami sa mga singsing ang mayroong nakapatong o nakadikit na
batong hiyas. Sa
Aklat ng Henesis ng
Lumang Tipan ng
Bibliya, mayroong "gintong singsing" na nilalarawan sa
Henesis 24:20 na, ayon kay
Jose Abriol, ay mga uri ng singsing na ikinakabit sa
ilong, at ginagamit ng mga kababaihan sa
Sirya at
Ehipto magpahanggang sa kasalukuyang panahon. Tinatawag na
munting singsing,
siningsing, o
buklod ang isang maliit na anilyo.