saffron

Ang kasubha, biri o asapran (Ingles: saffron, ; wild saffron; parrot seed; Persyano: زعفران, za‘ferān) ay isang pampalasa o panimplang panglutuin na nakukuha mula sa bulaklak ng saffron crocus (o Crocus sativus), isang uri ng crocus na nasa pamilyang Iridaceae. May tatlong karpel o istigma, kasama ng mga tangkay na kadikit ng pinakakatawan ng halaman, na nagagamit sa pagtitinggal, pagluluto, at pagkukulay ng pagkain. Katutubo ito sa Timog-kanlurang Asya at ilang dekada nang pinakamahal ang halaga ayon sa timbang sa mundo. Una itong itinamin, pinadami, at pinangalagaan sa may Gresya. Isa ito sa mga pinakamahahalagang sangkap sa lutuing Irani. May kapaitan ang lasa nito.