seda

Ang sutla o seda ay isang uri ng tela. Ito rin ang tawag sa anumang damit o kasuotang yari mula sa ganitong uri ng tela. Tinatawag ding sutla o seda ang buhok ng bunga ng mais. Sa larangan ng pagtetela o industriya ng tela, isa itong likas na hibla o pibrang gawa ng mga uod ng sutla o bulati ng sutla (kilala sa Ingles bilang silk worm). Batay sa kasaysayan, nanggagaling ang sutla mula sa Tsina at napakamahal ng halaga nito.