Ang
pilak o
plata (,
Ingles:
silver) ay isang metalikong elementong kimikal na may simbolong
Ag (mula sa
argentum ng Latin) at atomikong bilang na 47. Malambot ito, maputi, makinang o makisap, nababatak, at napupukpok na metal. Kabilang sa pag-aaring katangian nito ang pagkakaroon ng atomikong timbang na 107.870, punto ng pagkatunaw na 960.8 °C, punto ng pagkulong 2,212 °C, at espesipikong grabidad na 10.50. Ito ang may pinakamataas na konduktibidad ng kuryente at init mula sa lahat ng mga elemento na kasalukuyang nadiskubre na. Dahil sa mga katangian nito, ginagamit ang pilak sa paggawa ng mga alahas, kubyertos, pampasta ng ngipin, mga barya, at mga piyesang para sa mga aparatong elektroniko.