sining ng pakikipaglaban

Ang mga sining panlaban (Ingles: martial art [isahan], martial arts [maramihan]) ay ang anumang uri o anyo ng pakikipaglabang may pangkat ng mga paraan ng pagsasagawa. Maraming uri ng mga sining marsiyal na nagmumula sa partikular na mga bansa. Isinasagawa ang mga ito ayon sa maraming mga kadahilanan: pakikipagtunggali, pagtatanggol ng sarili, palakasan o palaro, meditasyon, pagpapahinahon ng sarili, at pagpapanatili ng kalusugan. Sa pangkaraniwang paggamit ng pariralang ito, sakop nito ang mga sistema ng pakikipaglabang pinaunlad sa buong mundo. Tinatawag na artistang marsiyal o alagad ng sining panlaban ang isang taong nagsasagawa ng sining panglaban.