Ang
supositoryo ay uri ng gamot na nasa anyong pildoras o tabletas na ipinapasok sa butas ng puwit ng lalaki o babae, patungo sa
tumbong, na tinatawag na
supositoryong rektal o
supositoryong pantumbong. Subalit mayroon ding ipinapasok sa
puke ng babae at kilala bilang
supositoryong bahinal,
supositoryong pampuki, o
supositoryong uretral. Natutunaw ang gamot sa nasabing mga lugar: sa loob ng tumbong, puke, o uretra. Ginagamit ang supositoryo upang magdala ng gumagana o mabisang pangsistema at pangpook o lokal na mga medikamente. Iba pang katawagan para sa pagdadala ng gamot sa ganitong paraan ang
pesaryo,
parmasyotikong pesaryo, o
pesaryong parmasyotikal (bagaman tumuturing din ang pesaryo sa
kontraseptibong inilalagay sa loob ng ari ng babae). Ginagamit na pangkalahatang prinsipyo rito ang pagpasok sa supositoryo bilang buo o solido, na matutunaw sa loob ng katawan upang dalhin ang gamot.