taba

Ang katabaan o obesidad (Ingles: obesity, fatness; obese o mataba) ay isang kalagayan o katayuang medikal ng pagiging napakabigat o masyadong mataba kapag inihambing sa sariling kataasan. Sa madaling sabi, mayroong labis o sobrang timbang ang isang tao dahil sa taba sa katawan. Sa kundisyong pangpanggagamot na ito, nagkakaroon ng sobrang taba sa katawan na naipon at umaabot sa pagkakaroon ng nakapipinsalang epekto sa kalusugan. Isang panganib sa kalusugan ang pagiging napakataba, at humahantong sa pag-iksi ng haba ng buhay. Ginagamit ang body mass index (BMI), o indeks ng masa ng katawan sa pagsasalinwika, na naghahambing sa timbang ng tao at kataasan, upang ilarawan kung sobra sa timbang o hindi ang isang tao. Kapag nasa pagitan ng 25 kg/m² at 30 kg/m² ang bigat ng tao, tinatawag na pre-obeso (mula sa Ingles na pre-obese o "bago maging napakataba") ang isang tao. Kapag lagpas na sa 30 kg/m² ang bigat ng tao, tinatawag na ang tao bilang mataba o napakataba (ang tunay na obese).