ugnayang panlabas

Ang ugnayang pandaigdig, ugnayang pandaigdigan, o relasyong internasyunal (Ingles: international relations) ay isang sangay ng agham pampulitika. Kinakatawan nito ang pag-aaral ng ugnayang panlabas at mga paksang global sa piling ng mga estado na nasa loob ng sistemang pandaigdig o sistemang internasyunal, kabilang ang mga gampanin ng mga estado, samahang pandaigdig (organisasyong internasyunal), samahang hindi pampahalaan (organisasyong hindi panggobyerno), at mga korporasyong multinasyunal. Mas tiyak na tumutukoy ang ugnayang panlabas (Ingles: foreign affairs) sa mga bagay-bagay o mga paksang nasa labas ng isang bansa na kinasasangkutan ng bansa, katulad ng mga ugnayan sa ibang bansa, o kaya mga bagay na hindi kinasasangkutan ng isang bansa.