ultrabiyoleta

Ang liwanag na ultrabiyoleta o ultralila (Ingles: ultraviolet, pinapaiksi bilang UV) ay isang radyasyong elektromagnetiko na may liboyhabang mas maiksi kaysa sa nakikitang liwanag, subalit hindi mas mahaba kaysa sa mga rayos ekis, na nasa sakop na 10 nm hanggang 400 nm, at mga enerhiya mula 3 eV hanggang 124 eV. Pinangalanan itong ultrabiyoleta dahil ang ispektrum ay binubuo ng mga along elektromagnetiko na may mga prekwensyang mas mataas kaysa sa mga nakikilala ng mga tao bilang kulay na lila.