vengeance

Ang paghihiganti ay isang nakasasalanta o nakakapinsalang kilos laban sa isang tao o pangkat bilang pagtugon sa isang daing o karaingan, reklamo, pagdaramdam, o sama ng loob, totoo man ito o iniisip lamang. Maaari itong ilarawan bilang isang anyo ng katarungan, isang galaw na altruwistiko na nagpapatupad ng katarungang panlipunan o pangmoralidad bukod pa sa sistemang pambatas. Inilarawan ito ni Francis Bacon bilang isang uri ng "marahas na katarungan" (wild justice sa Ingles). Sa mitolohiyang Griyego, ang kumakatawan sa "banal na paghihiganti" ay si Nemesis.