yarda

Ang isang yarda (bara; Ingles: yard; daglat: yd) ay isang yunit ng haba sa loob ng iba't ibang mga sistema na kasama ang kustomaryong mga yunit ng Estados Unidos, mga yunit na Imperyal at ang dating mga yunit na Ingles (yunit ng Ingglatera). Katumbas ito ng 3 mga talampakan o 36 na mga pulgada. Sa ilalim ng isang kasunduan noong 1959 sa pagita ng Australia, Canada, New Zealand, Timog Aprika, ang Nagkakaisang mga Kaharian at ng Nagkakaisang mga Estado, ang yarda (na nakilala bilang "yardang internasyunal" o "pandaigdigang yarda", na "international yard" sa wikang Ingles ng Estados Unidos) ay legal na binigyan ng kahulugan upang maging hustong 0.9144 mga metro (metre). Bago dumating ang petsang iyan, ang makabatas na kahulugan ng yarda kapag isinaad sa mga kataga ng yunit na metriko ay umiiba ng bahagya sa iba't ibang mga bansa.